係旺角返工的打工仔真係好幸福，Lunch無論想食咩，旺角都唔會令大家失望。今次我同同事想靜靜地食個Lunch，就去了一間網上人氣推介的Cafe。餐廳唔算好大，不過枱與枱唔會太迫，而且仲有不少board game可以玩，如果weekend約朋友上來玩幾個鐘都唔錯。
Lunch有8個選擇，由健康的沙律、不同的意粉，到意大利飯都應有盡有。價錢平均$70-92，本身已經包餐飲，不過唔夠喉可以加多$38要多份沙律同埋蛋糕。
去cafe唔少得打卡的飲品，可以邊玩boardgame邊解渴。今次我們都叫了乳酪飲品。黃色個杯係水蜜桃乳酪，綠色個杯係青蘋果乳酪，味道飲落酸酸甜甜，好開胃。
除了Lunch Set，餐廳仲有不少小食，而呢份蜜糖芥末單骨雞翼比我想像中大隻，而且拎住骨頭就好似食雞髀咁。唔只啖啖肉，而且仲有埋肉汁，同我一樣為食的寶寶可以試一試。
富有海量蟹肉的蟹肉雜菌忌廉闊條麵，唔只份量多，而且有超多蟹肉！忌廉的creamy口感，配埋蟹肉的鮮味，鍾意蟹的朋友唔好錯過哦！
而我自己就比較鍾意食呢個煙三文魚野菌忌廉燴闊條麵。闊條麵同蟹肉意粉一樣富有咬口，重點係個忌廉汁超香濃，整體非常夾。
如果唔趕住走，可以邊食Cheese Cake(紐約芝士蛋糕、藍莓芝士蛋糕)邊玩board game，慢慢享受下同朋友的歡樂時光(//∇//)<br/>
Station 3 Cafe
旺角洗衣街39號金雞廣場25樓08-09室
==============================
我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)
☑️歡迎聯絡產品試用及合作
💅🏻Beauty| 💃🏻Health | 👑Lifestyle |
✉️ bingfooddelivery@gmail.com
Instagram 📷 sabina.bingfooddelivery
(此文章由U Blog 同步發佈至社群)
